Со резултат 5:0 швајцарскиот претставник ја анулира негативата од 2:1 од Скопје и
продолжува во третото квалификациско коло во Лигата на конференции на УЕФА.
За нас, евронастапите завршуваат и се концентрираме на домашните натпреварувања - лигата и Купот каде атакуваме на двата трофеја.
„Честитки за Лозана за заслужената победа и пласманот понатаму. Тежок резултат за нас, како клуб. Тежок резултат за мене како тренер,
за играчите, за навивачите и за сите кои го сакаат Вардар. До првиот примен гол игравме добро, по што тотално се растуривме.
Тим како Лозана не простува и секоја шанса беше гол. Дали теренот и вештачката трева, дали резултатот и победата од Скопје,
нешто не понесе. Знаевме дека има врвни играчи во Лозана.
Мора да се кренеме, имаме тежок прв натпревар, дербито на Македонија против Пелистер во Скопје. Европа сезонава беше награда за нас,
знаејќи каде бевме минатата сезона и како стигнавме до тука. Почнува првенството, ќе има борба и многу докажување.“
- изјави Гоце Седлоски, шефот на стручниот штаб на Вардар.
Првенството на Македонија, сезоната 2025/26 почнува на 8-ми август. Во првото коло го играме вечното дерби, против Пелистер во Скопје.
