На официјалната прес-конференција пред дуелот со Лозана, во рамките на второто квалификациско коло од Лигата
на конференции на УЕФА, тренерот Гоце Седлоски потенцира дека швајцарскиот претставник е фаворит, но и Вардар
има што да каже во двомечот.
“Мора да бидеме свесни дека ни следи тежок меч и тешки први 90 минути. Се работи за многу квалитетна екипа
која ланската сезона ја заврши на петтата позиција во Швајцарија, а знаеме каде оди швајцарскиот фудбал и како
напредува.
Се зависи од ривалот како ќе ни дозволи да играме, но знам дека секој наш играч што ќе излезе на теренот,
ќе го даде максимумот.
Ние следевме како игра ривалот, знам и јас како се игра таму бидејќи сум играл во Австрија. Но, тоа ќе го
оставам за мене, пред да одлучам како ќе се поставиме на теренот.
Тешко беше да се игра во Сан Марино против бункер, но наша цел беше да минеме во следна рунда и успеавме во тоа. Не би давал прогнози, па нека победи оној кој
е подобар.“ - изјави Седлоски.
Првиот натпревар меѓу Вардар и Лозана се игра на Арената „Тодор Проески“ в четврток на 24-ти јули со почеток
од 20:30 часот. Реваншот е на 31-ви јули, во Лозана.
